Skuadra e Gjilanit ka marrë një fitore tepër të rëndësishme në Superligë, duke mposhtur Prishtinën me rezultat 3-1.
Skuadra e drejtuar nga Ardian Nuhiu dominoi, sidomos pjesën e parë , duke mos lënë hapësirë për rikthim të rivalit nga kryeqyteti.
Gjilani, dy golat e parë i shënoi në 11 minutat e parë të ndeshjes, ndërsa vulosi fitoren me golin e tretë në fund të pjesës së dytë, me realizator Armend Thaqin. Mbrojtësi ekzekutoi mjeshtërisht një goditje dënimi, duke vulosur rezultatin përfundimtar 3-1 për “Skifterat”.
Prishtina, të vetmin gol e shënoi në minutën 66’, nga Blend Baftiu.
Me këtë fitore, Gjilani ka 4 pikë, ndërsa Prishtina mbetet në krye me 6 pikë.
