Haradinaj kujton Ukshin Hotin: Nuk duhet të ndalemi së kërkuari drejtësi

Haradinaj kujton Ukshin Hotin: Nuk duhet të ndalemi së kërkuari drejtësi

Kryetari i Aleancës për Ardhmërinë e Kosovës, Ramush Haradinaj ka kujtuar veprimtarin Ukshin Hotin në 22 vjetorin e zhdukjes së tij në burgjet e Serbisë, raporton Gazeta Enigma.



Haradinaj ka shkruar në Facebook se asnjëherë nuk duhet të ndalemi së kërkuari drejtësi për të gjitha krimet që pushtuesi serb i kreu në vendin tonë, në respekt të veprës e sakrificës jetësore të Ukshin Hotit dhe mijëra bashkëkombësve tanë, që pësuan nga gjenocidi.

“Për shkak të këndvështrimit të tij të veçantë politik, ai shfaqte rrezik të përhershëm për regjimin. Ai u përndjek dhe u burgos nga organet e pushtuesit, e më pas u zhduk fizikisht, e ne ende nuk kemi përgjigje për fatin e tij. Por, ata kurrë nuk arritën të shuajnë idetë, të cilat me krenari vazhdojmë t’i ndjekim. Ne asnjëherë nuk duhet të ndalemi së kërkuari drejtësi për të gjitha krimet që pushtuesi serb i kreu në vendin tonë, në respekt të veprës e sakrificës jetësore të Ukshin Hotit dhe mijëra bashkëkombësve tanë, që pësuan nga gjenocidi”, shkruan Haradinaj./Gazeta Enigma/

Zëri moral i shoqërisë shqiptare, intelektual kryengritës, trim e guximtar që nuk u thye kurrë. I tillë ishte Ukshin…Posted by Ramush Haradinaj on Saturday, May 15, 2021

Related Articles