Anëtari i AAK-së, Daut Haradinaj, ka kujtuar pajtimin e gjaqeve në Llukë të Deçanit në 33-vjetorin e kësaj ngjarje historike.
Haradinaj ka thënë se prezenca e madhe e njerëzve mbetet e pashlyer në memorien e tij.
“Para 33 vjetësh, kombi shqiptar u bashkua në Llukë te Deçanit për ta mbyllur plagën e hasmërisë dhe për t’i hapur rrugë unifikimit mbarëkombëtar. Kam qenë fëmijë kur, bashkë me Shkëlzenin e shumë të tjerë, mora pjesë në këtë tubim. Edhe pse nuk kuptoja shumë se çfarë po ndodhte, ajo prezencë mbetet e pashlyer në memorien time, ashtu siç mbeti në memorien e historisë sonë”, ka shkruar Daut Haradinaj në Facebook.
“Nderime të përjetshme atyre që e organizuan dhe gjithë atyre që e shtrinë dorën e pajtimit”, ka përfunduar ai.
