Haxhiu kërkon angazhim të shoqërisë për mbrojtjen e të drejtave të grave

Haxhiu kërkon angazhim të shoqërisë për mbrojtjen e të drejtave të grave

Ministrja e Drejtësisë, Albulena Haxhiu, ka thënë se bashkëpunimi dhe angazhimi i shoqërisë është thelbësor për të krijuar një shoqëri më të drejtë dhe të barabartë. Me këtë rast, Haxhiu ka kërkuar që bashkërisht të jenë në mbrojtje të grave të cilët janë cak i sulmeve në bazë gjinore.



Në kuadër të konferencës “Parlamentarizmi dhe Rezoluta 1325”, Haxhiu tha se në luftë kundër këtyre dukurive duhet të jenë të bashkuar.

“Sigurisht që angazhimi ynë i përbashkët kundër luftës në baza gjinore është edhe një detyrim moral edhe i shoqërisë që nuk duhet të jetë me kufizime kulturore apo etnike. Përtej dallimeve e etniteteve, ky angazhim është i domosdoshëm për të garantuar respektim dhe mbrojte të të drejtave të grave e të gjithë personave qe janë të prekur”.

“Në një realitet ku dhuna e grave është ende një problem i hapur, bashkëpunimi e angazhimi i të gjithë individëve dhe shoqërive është thelbësor për të krijuar një shoqëri më të drejtë dhe të barabartë për gjithë, duke refuzuar që të pranojmë dhunën në bazë gjinore dhe ta përforcojmë mesazhin se çdo individ meriton të jetojë në një mjedis të sigurt duke respektuar pavarësisht origjinës së tyre kulturore apo etnike, dhe në këtë kontekst promovimi i edukimit dhe ndërgjegjësimit është etik për të arritur një shoqëri të drejt po ashtu të barabarte”, deklaroi ministrja Haxhiu.

Related Articles