Hoti për KQZ-në: Ka dështuar të sigurojë një proces zgjedhor kredibil e me integritet

Hoti për KQZ-në: Ka dështuar të sigurojë një proces zgjedhor kredibil e me integritet

Ish-kryeministri i Kosovës, Avdullah Hoti ka thënë se shpallja e rezultateve të zgjedhjeve pas pesë jave tregon dështimin e sistemit për menaxhimin e procesit zgjedhor.

Këto deklarata ai i ka bërë në Facebook, teksa ka thënë se KQZ-ja ka dështuar të siguroj një proces zgjedhor kredibil e me integritet.

“Kjo është për keqardhje pas disa palë zgjedhjeve të organizuara sipas standardeve evropiane, që e veçonin Kosovën nga vendet e tjera të Ballkanit. Kjo është për keqardhje pas kulturës demokratike të treguar nga qytetarët në ditën e zgjedhjeve”.

“Njollë e këtyre zgjedhjeve do të mbetet edhe çështja e votave nga diaspora, për të cilat janë hedhur dyshime, si për votimin në ambasada/konsultata, ashtu edhe për votimin me postë. Këtë nuk e ka merituar Kosova. Për këto dështime duhet të ketë përgjegjësi politike dhe ligjore”, ka thënë Hoti. /Gazeta Enigma

Related Articles