Nënkryetari i Kuvendit të Kosovës, Enver Hoxhaj, ka dënuar ashpër sulmin ndaj ekipit të gazetarëve në Leposaviq.
Ish-ministri I jashtëm I Kosovës, Enver Hoxhaj, përmes një reagimi në rrjetin social Twitter, ka thënë se është i shokuar nga sulmi brutal ndaj medias në komunat veriore të Kosovës, i kryer nga persona të maskuar.
Ai, e ka dënuar këtë akt, duke I bërë thirrje organeve të merren urgjentisht me rastin.
“E tmerrshme! I shokuar nga sulmi brutal ndaj medias në komunat veriore të Kosovës, i kryer nga persona të maskuar! E dënoj fuqishëm këtë akt dhe ju bëj thirrje organeve të drejtësisë të merren urgjentisht me rastin! Sulmi ndaj medias është sulm direkt ndaj demokracisë!”, ka shkruar Hoxhaj në Twitter.
