Më shumë se 142 milionë njerëz në të gjithë SHBA janë nën një paralajmërim për mot të ftohtë të hënën pasi ajri i ftohtë arktik përfshin pjesën më të madhe të vendit.
Shërbimi Kombëtar i Motit, NWS njoftoi se një pjesë e SHBA-së ka të ngjarë të përjetojë të ftohtë rekord.
Temperaturat në Montana parashikohet të zbresin nën -45 gradë Celsius.
Moti i ftohtë mund të ndikojë në pjesëmarrjen e votuesve në Iowa, ndërsa shteti përgatitet të zgjedhë kandidatin e tij republikan për zgjedhjet e vitit 2024.
Të hënën, NVS paralajmëroi për “temperatura brutalisht të ulëta” që do të vazhdojnë deri të mërkurën.
I ftohti është rezultat i një mase ajrore arktike që ka udhëtuar në juglindje të SHBA nga Kanadaja perëndimore ku ka vendosur temperatura të ulëta rekord.
Në Edmonton, Alberta, temperatura arriti një rekord të ulët prej -45.3 gradë Celsius të shtunën.
Moti i ftohtë tensionoi rrjetin elektrik të Albertës dhe në një moment provinca lëshoi një paralajmërim urgjent, duke u kërkuar njerëzve të fiknin pajisjet jo thelbësore për të shmangur rrezikun e ndërprerjeve të gjera të energjisë.
Që nga e hëna, e gjithë Alberta mbetet nën një paralajmërim për mot ekstrem të ftohtë, me Environment Canada që u bën thirrje njerëzve të kujdesen, pasi “ngrirja mund të zhvillohet brenda pak minutash në lëkurën e ekspozuar, veçanërisht me ftohjen e erës”.
Të paktën gjashtë milionë kanadezë jetojnë në një zonë nën një paralajmërim ekstrem të ftohtë, kryesisht në Alberta, Saskatchewan dhe pjesë të Kolumbisë Britanike.
Me një pjesë të madhe të masës ajrore arktike të përhapur tani mbi SHBA, analistët politikë po peshojnë nëse i ftohti do të pengojë votimin në Iowa.
Iowa ka qenë duke luftuar me të ftohtin ekstrem dhe borën e madhe për pjesën më të madhe të fundjavës, duke detyruar disa aktivitete të fushatës të anulohen.
Moti i ashpër i dimrit madje prishi orarin e playoff-it të Ligës Kombëtare të Futbollit, transmeton Reporteri.net.
Një stuhi dëbore në Nju Jork e shtyu ndeshjen rrugore të së dielës midis Buffalo Bills dhe Pittsburgh Steelers të hënën.
