ISIS-K sërish gjuan me raketa në Kabul, mburoja anti-raketore amerikane i shpërthen në ajër

ISIS-K sërish gjuan me raketa në Kabul, mburoja anti-raketore amerikane i shpërthen në ajër

Deri në pesë raketa u lëshuan në aeroportin e Kabulit nga një makinë në një periferi veriore të qytetit, por u kapën nga një mburojë anti-raketore amerikane.



Raketat goditën në lagjen Salim Karwan të Kabulit të hënën në mëngjes, thanë dëshmitarët.

Të shtënat me armë menjëherë pasuan shpërthimet, por nuk ishte menjëherë e qartë se kush po gjuante.

Një dëshmitar i cili foli në kushte anonimiteti nga frika e hakmarrjes tha se ata dëgjuan zhurmën e tre shpërthimeve dhe më pas panë një ndezje si zjarri në qiell.

Njerëzit u larguan pas shpërthimeve, tha dëshmitari, shkruan Guardian.

Zyrtarët amerikanë nuk iu përgjigjën menjëherë kërkesave për koment. Avionët e ngarkesave ushtarake amerikane vazhduan evakuimet e tyre në aeroport pas goditjes me raketa.

Të dielën, një sulm me dron amerikan hodhi në erë një automjet që mbante “mjete sulmuese vetëvrase” nga grupi i Shtetit Islamik në Afganistan, para se ata të mund të sulmonin evakuimin e vazhdueshëm ushtarak në aeroportin ndërkombëtar të Kabulit, thanë zyrtarët amerikanë.

Një zyrtar afgan tha se tre fëmijë u vranë në sulm.

Related Articles