Prishtina dhe Ballkani do të luajnë të dielën super derbin e xhiros së pestë në Albi Superligë.
Për prishtinasit kjo do të jetë sfida e parë këtë kampionat si vendas, ku presin edhe përkrahjen e madhe të tifozëve “Plisat”.
Por, skuadra e drejtuar nga Ismet Munishi do të jetë e hendikepuar pa një nga mesfushorët kryesor të ekipit.
Është Kushtrim Gashi që do të mungoj në derbi, dhe kjo jo si shkak i ndonjë lëndimi apo kartonëve.
Në marrëveshjen mes Prishtinës e Ballkanit, kur Gashi u transferua në kryeqytet, është përfshirë edhe një klauzolë që ia ndalon Gashit të luaj katër sfida ndaj Ballkanit.
