Pasditen e së dielës, një shqiptar 52-vjeçar humbi jetën në Itali, pasi u zhyt në një lumë në sy të miqve dhe familjarëve, gruas dhe fëmijëve të tij, me të cilët kishte shkuar në breg të lumit për një piknik në zonën e Pedrerës, njofton ‘bresciatoday’, transmeton Gazeta Enigma.
Argon Gjyla, banor i Comezzano Cizzago, pas drekës kishte vendosur të bënte një zhytje për t’u freskuar, duke kaluar urën e rrugës Provinciale dhe duke shkuar në bregun e Soncino. Megjithatë, sapo hyri në lumë, u zhduk nën ujë. Disa burra nxituan menjëherë në ndihmë të tij dhe arritën ta kthenin në breg, ku më pas filluan manovrat e ndihmës së parë, në pritje të ambulancave dhe shpëtimit me helikopter.
Me të mbërritur në vendngjarje, avioni 118 e dërgoi me urgjencë 52-vjeçarin në Civile, ku fatkeqësisht ndërroi jetë pak pas shtrimit në spital. Hetimi policor për rastin është duke u zhvilluar. /Gazeta Enigma
