Ministria e Turizmit dhe Mjedisit në Shqipëri kundërshton raportimet për boshatisjen e bregdetit shqiptar, duke theksuar rritjen e numrit të turistëve kosovarë dhe të huaj.
Sipas Erjon Ukës, këshilltar për media i ministrit, nga janari deri në korrik 2024, Shqipërinë e vizituan 1.7 milionë kosovarë, që ka rritje me vitin e kaluar.
“Për sa i përket vizitorëve nga Kosova, ata vijojnë të mbajnë vendin e parë me 1,7 milionë vizitorë në gjashtë muajt e parë të vitit 2024, ose +25% krahasuar me të njëjtën periudhë të një viti më parë”, ka deklaruar Uka.
Në të njëjtën periudhë, vendi u vizitua nga 4.5 milionë turistë të huaj, u shpreh ai.
“Në gjashtë muajt e parë të vitit 2024, Shqipërinë e kanë vizituar 4,5 milionë vizitorë të huaj ose +34% krahasuar me të njëjtën periudhë të një viti më parë”.
