Policia ka njoftuar se katër persona janë arrestuar në Prizren për posedim narkotikësh, raporton Gazeta Enigma.

Sipas raportit policor, gjatë një kontrolli të kryer në një veturë, janë arrestuar katër persona të dyshuar, pasi në automjetin e tyre janë gjetur dhe sekuestruar rreth 45.02 gramë substancë e dyshuar narkotike e llojit marihuanë, dy telefona celularë dhe para të gatshme në vlerë prej 2,495 euro dhe 900 lekë.

Pas intervistimit nga ana e hetuesve policorë dhe në bashkëpunim me prokurorin e rastit është vendosur që njëri nga të dyshuarit të dërgohet në mbajtje, ndërsa dy të tjerët janë liruar në procedurë të rregullt.

Policia ka bërë të ditur se hetimet lidhur me rastin po vazhdojnë dhe nuk përjashtohet mundësia e përfshirjes edhe të personave të tjerë. Autoritetet janë të përkushtuara në luftën kundër narkotikëve dhe ftojnë qytetarët që të bashkëpunojnë në parandalimin e këtyre dukurive.