Nga memoriali “Adem Jashari”, në Prekaz, pas homazheve të bëra tek varrezat e familjes Jashari, ushtruesi i detyrës së kryetarit të Organizatës së Veteranëve të Luftës së UÇK-së (OVL-UÇK), Faton Klinaku, ka uruar 28 nëntorin, festën e flamurit kombëtarë.
Klinaku tha se në emër të të gjitha organizatave të veteranëve të dala nga lufta dhe në emër të ish- krerëve të UÇK-së, të cilët janë duke u mbajtur në Hagë, ua uron festën e flamurit të gjithë shqiptarëve.
“28 nëntori koincidon me ditëlindjen e komandantit legjendar Adem Jashari, po ashtu dalja publik e UÇK-së në vitin 1997. Në kohën kur Rexhep Selimi, Mujë Krasniqi dhe Daut Hradinaj, dalin publikisht në emër të UÇK-së dhe i tregojnë popullit shqiptar se ktu ka zot dhe do të luftohet për tokat e shqiptarëve. Në emër të OVL po ashtu edhe në emër të bashkëluftëtareve tanë në Hagë që gjenden prapa grilave, iu urojmë festën e 28 nëntorit”, tha ai.
