Pak javë më parë kishte ndodhur një aksident në fshatin Grabanicë të Klinës, ku në mesin e të lënduarve ishte edhe një fëmijë, raporton Gazeta “Enigma”.
Si pasoj e lëndimeve të fëmija nuk ka arritur të mbijetoj, ai dje ka ndërruar jetë në QKUK.
Lajmin e ka konfirmuar policia përmes një njoftimi në Facebook.
“Drejtoria Rajonale e Policisë, Njësiti Rajonal i Komunikacionit Rrugor në Pejë me datë 24. 02. 2024, është njoftuar për një aksident trafiku në magjistralen Pejë – Prishtinë, pikërisht në fshatin Grabanicë – Klinë. Në vendin e ngjarjes kanë dalë njësitet kompetente të Njësitit Rajonal të Komunikacionit Rrugor. Në këtë aksident ishte i përfshirë një automjet i cili gjatë lëvizjes në drejtim të Prishtinës, humb kontrollin dhe kishte goditur mbrojtësit e rrugës, me ç’rast lëndime kishin pësuar tre persona të cilët menjëherë janë dërguar në Emergjencën e Spitalit rajonal në Pejë, për tretman”.
“Pas tretmanit në Emergjencën e Spitalit rajonal në Pejë, njëri nga të lënduarit (fëmija) me udhëzim të mjekut kujdestarë është transferuar për në QKUK në Prishtinë për tretman të mëtutjeshëm. Me datë 07 Shkurt 2024 rrethe orës 17:40 Policia është informuar nga QKUK se fëmija nuk ka mundur t’i përballoj lëndimeve dhe kishte ndërruar jetë. Me urdhër të Prokurorit shtetit trupi i pa jetë i viktimës dërgohet në Institutin e Mjekësisë Ligjore në Prishtinë, për Obduksion”, njofton policia. /GAZETA ENIGMA/
