Kryetari i bashkisë së Kievit, ish-kampioni i boksit në peshën e rëndë, Vitali Klitschko, thotë se pesë shpërthime janë raportuar në të gjithë kryeqytetin, me disa shpërthime të dëgjuara pranë një termocentrali në veri të qytetit.
“Shërbimet e urgjencës po përgjigjen. Ne po zbulojmë detajet”, tha Klitschko.
“Situata tani – pa ekzagjerim – është kërcënuese për Kievin. Nata dhe mëngjesi do të jenë shumë të vështirë. Trupat ruse janë shumë afër Kievit. Grupet e sabotazhit po neutralizojnë ushtrinë dhe agjencitë ligjzbatuese në qytet. Urat janë nën mbrojtje dhe kontroll të veçantë në kryeqytet. Në to po patrullojnë mjete ushtarake dhe ushtarë të Forcave të Armatosura”.
Klitschko konfirmoi se është shkatërruar termocentrali nga bombardimet ruse.
