Përfaqësuesja e Kosovës U21 ka pësuar një tjetër humbje në kualifikimet për Kampionatin Evropian.
Dardanët e rinj janë mposhtur nga bashkëmoshatarët e tyre çek me rezultat minimal 0-1.
Goli i vetëm në këtë sfidë u realizua në minutën e 38-të, kur mbrojtësi i djathtë Gabriel u shërbye bukur në zonë nga Kohut dhe realizoi për 0-1.
Me gjithë rastet që patën Dardanët, deri në fund nuk arritën të shënonin.
Kësisoj Kosova pësoi humbjen e dytë në Grupin G.
Sa i përket çekëve, për ta ishte fitorja e tretë në po aq ndeshje.
Edhe ndeshjen e radhës dy ekipet përfaqësuese do ta zhvillojnë mes vete, por në Ceske Budejovice pas pesë ditësh.
Kosova mbetet në vendin e katërt me tri pikë pas tri ndeshjeve.
