Presidenti i FFK-së, Agim Ademi në shoqëri të nënkryetarit Agim Dibrani dhe anëtarëve të KE-së, Ismajl Ajeti e Agim Nura, kanë qëndruar sot në Kampin Nacional në Hajvali.
Përveç që kanë ndjekur dy ndeshjet e “play-off”-it nacional të grupmoshave të reja, ata i kanë inspektuar punimet e kryera dhe ato që po kryhen në këtë kamp.
Falë punës së vazhdueshme tashmë ky kamp ka filluar të marrë pamjen e një kompleksi modern dhe gjithnjë e më shumë po bëhet i përshtatshëm për aktivitetet e ekipeve kombëtare dhe jo vetëm.
Ademi po ashtu ka bërë me dije se punimet në këtë kamp do të vazhdojnë deri në kompletimin e tij të tërsësishëm, ashtu siç është planifikuar, e ku krahas tribunave dhe ambienteve të brendshme në stadiumin qendror, do të ndërtohen edhe objektet e tjera përcjellëse moderne, siç është vendakomodimi për ekipet kombëtare.
