Kryeministrja e Danimarkës, Mette Frederiksen, i ka dërguar një mesazh të qartë presidentit të zgjedhur amerikan Donald Trump për Grenlandën.
“Grenlanda u përket grenlandezëve. Grenlanda nuk është në shitje”, tha Frederiksen.
Më herët, mediat amerikane raportuan se Donald Trump Jr do të vizitojë Grenlandën, dy javë pasi babai i tij përsëriti dëshirën e tij që SHBA të merrte kontrollin e territorit autonom danez.
Donald Trump ringjalli polemika në dhjetor kur tha se “pronësia dhe kontrolli i Grenlandës është një domosdoshmëri absolute” për sigurinë kombëtare të SHBA.
