Kufomat për të cilat pretendohet se janë të alienëve u janë prezantuar politikanëve meksikanë në Kongresin e vendit.
Një ekspert i vetë-shpallur i UFO-ve pretendoi se dy ‘kufomat’ e vogla u morën nga Cusco i Perusë, shkruan independent.co.uk.
Ato u prezantuan në kuti me dritare në Mexico City të mërkurën, duke nxitur entuziazëm brenda komunitetit të teoricienëve konspirativ të UFO-ve.
Ngjarja u drejtua nga gazetari Jaime Maussan, i cili pohoi, nën betim, se ekzemplarët e mumifikuar nuk janë pjesë e “evolucionit tonë tokësor”, me pothuajse një të tretën e ADN-së së tyre të mbetur “e panjohur”, raportuan mediat meksikane.
Pretendimet e “ufologut” të vetë-shpallur nuk janë vërtetuar dhe zoti Maussan njihet për pretendime që më vonë janë hedhur poshtë.
