Kryeministri i Kosovës, Albin Kurti, ka përkujtuar dy heronjët, në 26 vjetorin e rënies së tyre.
Bëhet fjalë për Fehmi dhe Xhevë Lladrovcin.
Përmes një postimi në Facebook, Kurti është shprehur se “jeta e tyre ishte lavd për dashurinë, lavd për dashurinë për lirinë, lavd për dashurinë për lirinë e Kosovës”.
Ata të dy vdiqën për atë që jetuan: për lirinë e Kosovës. Vdekja e tyre ishte një rënie e njëhershme, ashtu siç jeta e tyre ishte një vepër e përbashkët, kryevepër për dashurinë dhe lirinë. Fehmi Lladrovci (1956) nga Gllanasella e Drenasit dhe Xhevë Krasniqi (1955) nga Drenoci i Malishevës ishin një çift i kulluar, që ashtu siç e shikonin njëri-tjetrin në sy me plot dashuri, bashkë shikonin drejt një synimi, lirisë së Kosovës. Ashtu siç e ka titulluar Fehmiu letrën e tij nga burgu për Xhevën, “DRITA E SYTRIT TIM XHEVË!”, ku ndër tjera ai i ka shkruar Xhevës: “Të përshëndes e të përqafoi nga larg SHPIRTI IM XHEVË! TË DUA SHUMË XHEVË””, ka shkruar Kurti në Facebook. /Gazeta Enigma
Kurti kujton Femi e Xhevë Lladrovcin: Ata të dy vdiqën për atë që jetuan, për lirinë e Kosovës
