Pas takimit me kryetaren e Partia e Re Demokratike (NDS), Emilija Rexhepi, Kryeministri Albin Kurti, mirëpriti ministrin për Komunitete dhe Kthim, dhe kryetarin e Partisë për Liri, Drejtësi dhe Mbijetesë, Nenad Rashiqin.
Këto takime po bëhen në kuadër të konsultimeve për formimin e qeverisë së re.
Në njoftimin për media bëhet e ditur se përgjatë diskutimit, Rashiqi e ka përsëritur mbështetjen e tij ndaj kryeministrit për formimin e qeverisë së re dhe vazhdimit të bashkëpunimit të frytshëm edhe në mandatin e ardhshëm.
“Kryeministri Kurti e falënderoi kryetarin Rashiq për punën e madhe dhe kontributin e dalluar që ka dhënë për komunitetin serb në Kosovë për vetëm gjysëm mandati si ministër për Komunitete dhe Kthim. Ai shprehu gjithashtu vullnetin për vijimin e bashkëpunimit efikas dhe të frytshëm edhe në katër vjeçarin e ardhshëm për të arritur së bashku suksese të tjera dhe punë të mbara në shërbim të të gjithë qytetarëve, pa dallim”, thuhet më tej në komunikatë
