Orges Bunjaku edhe zyrtarisht ka vendosur që ta përfaqësojë Kombëtaren e Kosovës në futboll. Nëpërmjet një njoftimi të martën (sot), Federata e Futbollit e Kosovës (FFK) ka bërë të ditur vendimin e Bunjakut.
Përzgjedhësi i “dardanëve”, Alain Giresse, në radhët e veta do ta ketë një prurje mjaftë shpresëdhënëse, shkruan Gazeta Enigma.
Bunjaku i lindur në korrik të vitit 2001 është shtesa e re e Kosovës në kombëtare.
Futbollisti me prejardhje nga Gjilani luan në pozitën e mesfushorit qendror, ndërsa është 180-centimetra i gjatë.
Mesfushori aktualisht është pjesë e Grenobles, ekip që bën gara në kategorinë e dytë të Francës, ku këtë sezon është paraqitur në 13 ndeshje. Ndërsa ka luajtur edhe për gjeneratat e reja të Zvicrës (U15, U16, U17, U18, U19 dhe U20).
20-vjeçari si lojtar është zhvilluar në akademinë e Baselit, ndërsa ka qenë edhe pjesë e ekipit të parë përpara se të transferoj në futbollin francez në verën e vitit të shkuar.
Vlera e tij sipas “Transfermarkt” është 500 mijë euro, ndërsa më së shumti gola ka shënuar sa ishte pjesë e Zvicrën U19, duke shënuar tre herë në gjashtë paraqitje sa i pasur me ketë ekip.
Kujtojmë që Bunjaku gjatë takimit që e pati me zyrtarët e FFK-së, ka thënë se me padurim e pret ditën kur do ta vesh fanellën e Kosovës për të cilën tha se do ta japë më të mirën nga vetja.
/GAZETA ENIGMA/
