Nga data 21-23 korrik Kuvendi do të hap dyert për bashkatdhetarët.
Kjo është bërë e ditur përmes një komunikate për medie nga drejtoria e Kuvendit, duke treguar edhe orarin dhe rregullat anti-Covid për ata që do ta vizitojnë.
Njoftimi i plotë:
Nga 21-23 korrik Kuvendi hap dyert për bashkatdhetarët
Nga 21-23 korrik 2021, në Kuvendin e Republikës së Kosovës mbahet aktiviteti “Kuvendi hap dyert për bashkatdhetarët”.
Gjatë tri ditëve, nga 10:00 – 16:30, Kuvendi do të jetë i hapur dhe mirëpret të gjithë bashkatdhetarët të cilët dëshirojnë ta vizitojnë ndërtesën e institucionit më të lartë legjislativ.
Gjatë qëndrimit në Kuvend, vizitorët duhet t’u përmbahen masave anti-Covid, përkatësisht duhet të jenë të pajisur me maska.
