Kuvendi i Shqipërisë tashmë ka një rregullore të re.
Ndryshimet që u miratuan në seancën plenare të datës 14 dhjetor, sipas së cilës një deputet, ose një grup deputetësh do ta kenë thuajse të pamundur që të bllokojnë zhvillimin normal të punës së Kuvendit u botuan dje në Fletoren Zyrtare.
Deputetët apo grupi i deputetëve, të cilët kryejnë akte dhune dhe vënë në rrezik jetën e parlamentarëve apo ushtrojnë dhunë ndaj punonjësve të Gardës, ndezin mjete piroteknike, apo hedhin tymuese në Kuvend do të përjashtohen deri në 60 ditë nga seancat parlamentare apo nga komisionet parlamentare.
