Policia Rajonale në Gjilan, konkretisht njësia e hetimeve në Kamenicë, ka kryer një aksion të hënën në fshatin Koretin të Kamenicës,raporton Gazeta “Enigma”.
Pas bastisjes nga Policia në shtëpinë e të dyshuarit janë gjetur armë e municion.
Ky aksion lidhet me një rast të muajit tetor që tashmë është iniciuar në drejtim të veprës penale “Mbajtja në pronësi, kontroll ose posedim i paautorizuar i armëve”.
Sipas burimeve të Sinjalit bastisja është kryer në shtëpinë e B.Demi, rreth 32-vjeçar.
Në shtëpinë e tij, Policia ka konfiskuar pushke gjuetie, mbi 40 fishekë, jelek për mbajtje të municionit, elektroshok, thika, shufër e pajisje të tjera.
Me urdhër të Prokurorit të Shtetit, rasti është hapur dhe brenda afatit ligjor do të dorëzohet kallëzimi penal. /Gazeta Enigma/
