Të martën në Gjilan ka ndodhur një aksident trafiku, që dyshohet se u shkaktua nga një zyrtar policor, i cili ka goditur një vajzë të mitur që ishte duke lëvizur me trotinet.
Pasi viktima është dërguar për trajtim mjekësor në spital, lidhur me rastin është vënë në dijeni edhe Inspektorati Policor i Kosovës.
Burimet brenda Prokurorisë kanë bërë me dije se nën dyshimet për veprën “Rrezikimi i trafikut publik”, zyrtari policor Jeton Ramadani është suspenduar nga puna.
Në vendin e ngjarjes, hetuesit e IPK-së kanë kryer ekzaminimet e nevojshme dhe në koordinim me Prokurorin e Shtetit, kanë nisur hetimet ndaj policit të dyshuar, njofton Sinjali.
Ndryshe, rastin e ka konfirmuar edhe zëdhënësi i Policisë së Kosovës për Rajonin e Gjilanit, Ismet Hashani. “Me datën 08.08.2023 rreth orës 14:00 Polica e Kosovës në Gjilan është informuar se ka ndodhur një aksident trafiku me lëndime. Hetues policor nga njësiti rajonal i komunikacionit rrugor me urgjencë kanë dalë në vendin e ngjarjes. Nga hetimet e para në vendin e ngjarjes mësohet se deri te aksidenti ka ardhur kur një veture zyrtare e Policisë së Kosovës dyshohet se ka aksidentuar një të mitur me trotinet. Viktima me urgjencë është dërguar në Spitalin rajonal në Gjilan dhe sipas mjekut është jashtë rrezikut për jetë”, tha Hashani. nuk bëri
