Një rast i rëndë ka ndodhur sot në parkingun e një qendre tregtare në Suharekë.
Pas të shtënave me armë zjarri, një person është plagosur e më pas edhe ka humbur jetën.
Për plagosjen detaje ka dhënë Policia e Kosovës.
Zëdhënësi i Policisë së Kosovës në Prizren, Shaqir Bytyqi.
Ai ka thënë se një i panjohur ka shtënë me armë zjarri në drejtim të një personi të gjinisë mashkullore.
“Si pasojë e të shtënave, viktima ka pësuar lëndime trupore dhe, në gjendje të rëndë shëndetësore, është transportuar për trajtim mjekësor në Emergjencë. I dyshuari është larguar nga vendi i ngjarjes, ndërsa Policia është duke ndërmarrë të gjitha veprimet e nevojshme me qëllim të identifikimit dhe arrestimit të tij. Njëkohësisht, është bërë sigurimi i vendit të ngjarjes dhe po ndërmerren veprimet e nevojshme hetimore për mbledhjen e provave dhe dëshmive që mund të ndihmojnë në zbardhjen e rrethanave të këtij rasti”, ka thënë Bytyqi. /
