Prishtina sot pritet të mbledhë qytetarë nga mbarë Kosova në “Marshin për Liri”, ndërsa përfaqësuesi i platformës qytetare “Liria ka Emër”, Ismail Tasholli, u ka bërë thirrje qytetarëve t’i bashkohen marshit në mbështetje të ish-krerëve të UÇK-së që po mbahen në Hagë.
Marshi do të nisë në orën 14:00 në sheshin “Skënderbeu”, ku qytetarët pritet të mblidhen për të shprehur mbështetjen për Hashim Thaçin, Kadri Veselin, Jakup Krasniqin dhe Rexhep Selimin.
Tasholli ka ftuar qytetarët nga të gjitha trevat që të jenë pjesë e tubimit.
“Prishtina po ju pret, hajdeni krejt!”, ka thënë Tasholli.
