Manchester City është shpallur kampion i Premierligës për këtë edicion, pasi ka triumfuar në xhiron e fundit kundër Aston Villës.
“Qytetarët” fituan 3:2 në stadiumin “Etihad”, megjithatë vuajtën shumë ngase ishin në disavantazh prej dy golave deri në minutën e 76-të.
Turko-gjermani, Gundogan realizoi dy gola në përmbysjen e madhe brenda pesë minutave (76’, 79’, 81’).
Kjo fitore e Cityt nuk i ka kryer punë Liverpoolit që përkundër fitores ndaj Wolves nuk arriti të shpallet kampion i Anglisë.
“Të Kuqtë” fituan 3:1 në “Anfield Road” në një ndeshje ku më mirë e nisën mysafirët që kaluan në epërsi, e më pas vendasit nisën përmbysjen.
Manchester City ka 93 pikë në vendin e parë, një më shumë se Liverpooli që pozicionohet në vendin e dytë.
