Ministri në detyrë i Mbrojtjes, Ejup Maqedonci, gjatë qëndrimit në Turqi është takuar me Ministrin për Mbrojtje të Mbretërisë së Bashkuar, Lord Vernon Coaker.
Përmes një postimi në Facebook, Maqedonci tha se falenderoi homologun e tij për mbështetjen e vazhdueshme të Mbretërisë së Bashkuar në proceset shtetformuese të Kosovës.
Me këtë rast, shpreha mirënjohjen për mbështetjen e vazhdueshme dhe rolin e rëndësishëm që Mbretëria e Bashkuar ka luajtur përgjatë proceseve shtetformuese dhe forcimit të institucioneve të sigurisë e mbrojtjes së Kosovës.
