Izraeli së fundmi ka intensifikuar sulmet në Gaza.
Kjo disa orë pasi u arrit marrëveshja për armëpushim dhe lirimin e pengjeve.
Kështu kanë thënë banorët dhe autoritetet palestineze.
Al Jazeera ka raportuar se në veri të Gazës ka qenë një natë e tmerrshme.
Siç raportojnë gazetarët e kësaj medie mesin e të vrarëve ka pasur edhe fëmijë, transmeton Gazeta Enigma.
“Ishte sikur po jetonim ditët e para të agresionit të Izraelit”, ka thënë gazetari Hossam Shabat.
Në anën tjetër Reuters ka raportuar se 32 persona janë vrarë gjatë së mërkurës, ndërsa të enjten kanë vazhduar bombardimet duke shkatërruar shtëpi në Rafah, Nuseirat dhe në veri të Gazës.
Ushtria izraelite nuk ka dhënë ende ndonjë koment, derisa nuk raportohet se Hamasi ka sulmuar Izraelin pas njoftimit për marrëveshjes e armëpushimit. /Gazeta Enigma
