Mbështetja e amerikanëve për mënyrën se si presidenti Donald Trump po e menaxhon emigracionin ka rënë në nivelin më të ulët të regjistruar ndonjëherë, sipas një sondazhi të ri të Reuters/Ipsos.
Vetëm 39 për qind e të anketuarve shprehen se e miratojnë qasjen e Trumpit ndaj emigracionit, nga 41 për qind në fillim të këtij muaji. Rënia vjen në mes të reagimeve të forta publike pas dy të shtënave fatale nga agjentë federalë në Minneapolis, të lidhura me operacionet kundër emigrantëve të paautorizuar, transmeton Klankosova.tv.
Sipas sondazhit, 58 për qind e amerikanëve mendojnë se agjentët e Shërbimit të Imigracionit dhe Doganave kanë shkuar tepër larg, ndërsa 26 për qind i vlerësojnë veprimet si të përshtatshme.
Rezultate të ngjashme janë regjistruar edhe në sondazhe të tjera të publikuara së fundmi nga New York Times dhe Wall Street Journal.
