Pasi kanë hyrë në ditën e 23-të të pushimit rus, Ministria e Mbrojtjes së Ukrainës ka bërë një përditësim teksa thuhet se rreth 14 mijë e 200 ushtarë rusë janë vrarë që nga fillimi i luftës.
Përcaktimi i numrit të saktë të viktimave nga secila palë ka rezultuar sfidues, me Rusinë dhe Ukrainën që pretendojnë të dhëna dhe humbje jashtëzakonisht të ndryshme, shkruan BBC.
Në një përditësim të rrallë më 3 mars, Rusia pretendoi se 498 nga trupat e saj ishin vrarë në luftime, por ajo ka mbetur e heshtur për publikimin e shifrave të tjera që atëherë.
Ndërkohë, zyrtarët amerikanë thanë të enjten se numri i viktimave ruse mund të jetë mbi 7 mijë me deri në 14 mijë të plagosur.
Ndër dëmet e tjera të shkaktuara në armatimet dhe automjetet ruse, Ukraina pretendon se forcat e saj kanë rrëzuar gjithashtu: 450 tanke, 93 avionë, 112 helikopterë dhe çaktivizoi 43 sisteme kundërajrore.
