Aventurat e Prishtinës në garat evropiane mbaruan, shkruan faqja zyrtare e KF Prishtina.
Ajo ka vlerësuar lart paraqitjen e skuadrës, duke theksuar se Prishtina largohet nga Norvegjia me kokën lart.
“Skuadra jonë u eliminua nga garat e Ligës së Konferencës pas 180 minutave të zhvilluar ndaj Bodo/Glimt me rezultat të ngushtë 3-2”, në total nga dy ndeshjet.
“Prishtina në këtë nënyrë nuk e arrin fazën “play-off” të Ligës së Konferencës duke u eliminuar në xhiron e tretë, por aventura evropiane ka qenë e jashtëzakonshme”, thuhet më tej në postimin zyrtar të faqes së KF Prishtina.
Skuadra nga kryeqyteti tregoi se ka karakter të fortë dhe mund të përballet me skuadra të Europës, ndërsa ka dëshmuar se futbolli kosovar po shënon ngritje të vazhdueshme. Sezonin tjetër, 4 klube nga Kosova do të mund të luftojnë për kualifikim në Evropë.
