Ministrja e Drejtësisë, Albulena Haxhiu, ka marrë pjesë në panelin e sotëm me temë “Politikat Qeveritare për Gratë dhe Vajzat”.
Nga aty diskutuan për arritjet dhe planet e Qeverisë së Kosovës në adresimin e politikave feministe me qëllim të mirëqenies, barazisë, pavarësisë e sigurisë së vajzave dhe grave në vend.
Përmes një postimi në rrjetin social Facebook, ajo tregoi se kanë folur për masat konkrete që i kanë ndërmarrë në drejtim të fuqizimit të grave në shoqëri.
“Kemi ende punë për të bërë prandaj edhe sot shprehëm përkushtimin tonë për të vazhduar punën në adresimin e politikave progresive që fuqizojnë vajzat dhe gratë në vendin tonë”, ka thënë Haxhiu. /Gazeta Enigma
Ministrja Haxhiu: Kemi ende punë për të bërë për fuqizimin e grave
