“Mos të përdorin antibiotik”, mjekët me rekomandim për gripin sezonal te fëmijët në Kosovës

“Mos të përdorin antibiotik”, mjekët me rekomandim për gripin sezonal te fëmijët në Kosovës

Shumë fëmijë këtyre ditëve kanë kërkuar ndihmë mjekësore si pasojë e gripit sezonal. Ata kryesisht ankojnë për ethe, temperaturë, skuqje fyti dhe kollë e thatë.



Javët e fundit shumë qytetarë, mes të cilëve edhe shumë fëmijë, janë infektuar nga virozat e stinës, që zakonisht pasohen nga simptoma si ftohje, kollë, dhimbje të fytit, dhimbje trupi dhe temperaturë. Kështu është shprehur për Radio Kosovën Valbona Dermaku, specialiste e Pediatrisë në Qendrën Kryesore të Mjekësisë Familjare në Prishtinë.

Ajo thotë së gjatë këtyre ditëve kanë pasur fluks më të madh të  prindërve, të cilët i kanë sjellë fëmijët e tyre për vizita si pasojë e gripit sezonal.  

“Po është në rritje numri i pacientëve, sidomos qysh nga periudha tetor – nëntor kur fillon koha e virozëve, po ashtu edhe këtyre ditëve kemi pasur fluks të madh të vizitave pediatrike si pasojë e gripit sezonal. Te foshnjat gripi po zgjat pesë deri në shtatë ditë. Fëmijët në dy-tri ditët e para po kanë temperaturë, por që pas ditës së dytë dhe të tretë po fillojnë të stabilizohen dhe kryesisht i trajtojmë me terapi simptomatike”, tha ajo.

Edhe pediatri Nexhmedin Osmani,  thotë se këtyre ditëve kanë pasur shumë vizita pediatrike  por që nuk ka qenë raste të rënda. Ai tregon simptomat të cilat iu shfaqën fëmijëve.

“Fëmijët kryesisht vijnë më ankesa që kanë kollitje, temperaturë, plogështi. Ndërsa fëmijët e moshës me madhore vijnë kryesisht me kollitje të thatë, e që dyshohet që mund të jetë ndonjë lloj i COVID-19”, tha ai.

Sipas profesionistëve shëndetësorë, gripi sezonal te fëmijët zgjat pesë deri në dhjetë ditë. Ata rekomandojnë që të mos ketë përdorim të antibiotikëve në raste virozash.

Related Articles