Në një mbrëmje të mbushur me tension dhe emocione, derbi mes Fenerbahçes dhe Galatasarayt në çerekfinalet e Kupës së Turqisë ka hyrë në historinë e futbollit turk jo vetëm për rezultatin, por edhe për një moment dramatik jashtë vijave.
Jose Mourinho, trajneri i njohur i Fenerbahçes, u përfshi në një përplasje të pazakontë me homologun e tij të Galatasarayt, Okan Buruk, duke e kapur në hunde pas përfundimit të ndeshjes.
Incidenti ndodhi menjëherë pas fitores së Galatasarayt ndaj Fenerbahces , e cila siguroi kualifikimin në gjysmëfinale të kompeticionit me dy golat e Osimhen, teksa për skuadrën e Mourinhos, rrjetën e gjeti vetëm Szymanski.
