Musliu në ShBA takon Turnerin, e informon për sfidat e sigurisë me të cilat ballafaqohet Kosova

Musliu në ShBA takon Turnerin, e informon për sfidat e sigurisë me të cilat ballafaqohet Kosova

Deputetja e Partisë Demokratike të Kosovës, Ganimete Musliu, njëherit kryetare e Komisionit për Mbikëqyrjen e Agjencisë së Kosovës për Inteligjencë në Kuvendin e Kosovës,  gjatë qëndrimit në ShBA, ka takuar kryesuesin e Komisionit për Inteligjencë në Dhomën e Përfaqësuesve në Kongresin e SHBA-së, Mike Turner.



Bëhet e ditur se Musliu informoi Turnerin lidhur me sfidat e sigurisë, me të cilat po ballafaqohet Kosova së fundmi, por edhe për angazhimin e komisionit që udhëheq për një bashkëpunim sa më të mirë dhe mbikëqyrje sa më profesionale të Agjencisë së Kosovës për Inteligjencë.

Po ashtu, ajo theksoi bashkëpunimin e shkëlqyer që AKI ka me institucionet relevante në ShBA dhe përkrahjen e deritashme që i është ofruar qoftë AKI-së drejtpërdrejt, qoftë institucioneve tjera të sigurisë në Kosovë.

Related Articles