Për marrëveshjen e pranuar dje në Bruksel nga kryeministri Kurti, ka reaguar edhe ish-kryeministri, Isa Mustafa.
Ky me anë të një postimi në Facebook, ka thënë se pika 7 e kësaj marrëveshjeje parasheh një formë të vet-menaxhimit për serbët në Kosovë.
Mustafa ka thënë se presidentja Osmani, që sipas tij “vet-shitet” si jurist e fortë, duhet të tregojë se a është kjo në harmoni me Kushtetutën; Pra, a parasheh të drejta asimetrike për komunitetet, që serbët të kenë të drejta të vet-menaxhimit, kurse komunitetet tjera jo.
“Menaxhimi përfshin planifikimin, organizimin, personelin, drejtimin (udhëheqjen) dhe kontrollin. Pra kompetenca ekzekutive. Këto i pranoi kryeministri ynë. Asociacioni është diçka tjetër”, shkroi Mustafa.
Marrëveshja bazë e pranuar nga Kryeministri Kurti në pikën 7 parasheh një formë të vet-menaxhimit për serbet në Kosovë, sipas përvojave evropiane.
Le të tregojë Presidentja Osmani, që vet-shitet si juriste e fortë se a është kjo në harmoni me Kushtetutën; a parasheh Kushtetuta e Kosovës të drejta asimetrike për komunitetet, që serbet të kenë të drejta kolektive të vet-menaxhimit, kurse komunitetet e tjera jo?
Menaxhimi përfshin planifikimin, organizimin, personelin, drejtimin (udhëheqjen) dhe kontrollin. Pra kompetenca ekzekutive. Këto i pranoi kryeministri ynë. Asociacioni është diçka tjetër.
