West Ham United ka triumfuar në derbin e Londrës, duke mposhtur Chelsean me rikthim 3-2.
Ka qenë një ndeshje fantastike në Olympic Stadium, ku vendasit triumfuan në një ndeshje fantastike.
Të parët që kaluan në epërsi ishin mysafirët, kur Thiago Silva shënoi me kokë për 0-1 pas asistimit nga Mason Mount.
Vendasit barazuan gjithçka në 1-1, kur nga pika e bardhë u tregua i saktë Lanzini pesë minuta para fundit të pjesës së parë.
Megjithatë Chelsea riktheu epërsinë në minutën e 44-të, kur Hakim Ziyech lëshoi një top të bukur për Mason Mount i cili realizoi një gol spektakolar për 1-2.
Pjesa e parë përfundoi me epërsinë e Chelseat 1-2, derisa vendasit barazuan 11 minuta pas fillimit të pjesës së dytë.
Sulmuesi anglez, Jarrod Bowen shënoi një gol të bukur për t’i barazuar shifrat në 2-2.
West Ham e deshi më shumë fitoren duke krijuar më shumë raste shënimi.
E në minutën e 87-të, mbrojtësi i majtë Arthur Masuaku realizoi për t’i siguruar fitoren skuadrës së tij.
Kampioni në fuqi i Evropës tentoi të barazonte rezultatin, por një gjëje të tillë nuk ia arriti dhe West Ham morën tri pikë të mëdha.
Me këtë fitore, West Ham vazhdon të mbetet në pozitën e katërt me 27 pikë, derisa Chelsea mbetet përkohësisht në vendin e parë me 33 sosh.
