Një prej kompanive më të mëdha në botë për prodhimin e veshmbathjeve sportive “Nike” po tërhiqet nga tregu rus.
Kompania ka sqaruar për konsumatorët e saj se më nuk mund t’i furnizojë me produkte pikat e shitjes në Rusi.
“Porositë në uebsajtin e Nike dhe në aplikacionin mobil, nuk janë më në shërbim”, thuhet në njoftimin e “Nike” në aplikacionin për tregun rus.
❗️Nike is also leaving the #Russian market
Orders on the Nike website and mobile app are no longer available. pic.twitter.com/z2hev296cP— NEXTA (@nexta_tv) March 1, 2022
Vendime të ngjashme janë parë nga disa kompani dhe biznese pas pushtimit të Ukrainës nga Rusia, ku po zhvillohet edhe një krizë humanitare, me shumë të vrarë e të zhvendosur nga vendbanimet e tyre.
Ekonomia ruse tanimë është duke vuajtur pasoja të rënda pas aplikimit të sanksioneve të shumëfishta nga shumica e shteteve perëndimore, mirëpo, përkundër kësaj, ende nuk ka dhënë sinjale për heqje dorë nga pushtimi i shtetit fqinj.
