Komisioni për të Drejtat e Njeriut, Barazi Gjinore, për Persona të Pagjetur dhe Peticione sërish ka dështuar ta miratojë propozim-vendimin të Avokatit të Popullit lidhur me zgjedhjen në Kuvend të pesë zëvendësve të Avokatit të Popullit, raporton Gazeta Enigma.
Debat ndërmjet deputetëve u bë dërgimi në seancë plenare i emrave për zëvendës bashkë me raportet dhe shqetësimet që janë ngritur në tri mbledhjet e kaluara lidhur me këtë proces, ku një gjë të tillë e kërkoi deputetja e Lëvizjes Vetëvendosje, Saranda Bogujevci.,
Po këtë e kundërshtoi anëtarja e komisionit nga PDK, Ariana Musliu, e cila tha se dërgimi në seancë i materialeve tjera është e panevojshme.
Deputetët vendosën që nesër të mblidhet sërish komisioni dhe në bazë të rekomandimeve të zyrës ligjore të procedojnë tutje.
/Gazeta Enigma/
