Ministri i Bujqësisë, Faton Peci, ka thënë se prej datës 16 mars janë bërë 683 inspektime, duke hasur në 149 raste të shkeljes së Ligjit kundër Duhanit, raorton Gazeta Enigma.
Përmes një postimi në Facebook, Peci ka shkruar se “në ditën kur qytetaret shohin vendosmërinë e shtetit, për ta bërë të zbatueshëm një rregull qe bëhet për ta ruajtur shëndetin dhe jetën e tyre ata menjëherë ndryshojnë sjellje dhe e përqafojnë e mirëpresin”.
Ai ka thënë se “duhanpirës dhe joduhanpirës po i shijojnë shërbimet e kafiterive tona pa tym duhani”.
“Do ju dëshmojmë përkushtimin tonë në mbikëqyrje të zbatimit të ligjit të duhanit me tolerancë zero ndaj shkelësve”, ka thënë ndër tjerash Peci.
