Polonia ka shpallur gjendje emergjente në dy provinca pranë kufirit të saj me Bjellorusinë.
Ky shtet ka pasur një një fluks të emigrantëve që shkuan në kufirin me Bjellorusinë, Varshava e fajësoi Minskun për këtë.
Ardhja e emigrantëve ishte shtysë për presidentin e Polonisë, Andrzej Duda, që të shpallte gjendje emergjente.
Ai e përmendi rrezikun që ekziston nga akterët e huaj si dhe veprimet e protestuesve në Poloni, si arsye për të lëshuar deklaratën e tij.
Podlaskie dhe Lubelskie janë dy provincat në kufirin me Bjellorusinë.
Organizata për të drejtat e njeriut “Amnesty International” e denoncoi gjendjen e jashtëzakonshme duke thënë se mund ta “përkeqësojë situatën e tmerrshme” për emigrantët në kufi.
“Amnesty International” deklaroi se ishin 32 afganë, katër gra, 27 burra dhe një vajzë 15-vjeçare, të cilët u përzunë nga Polonia dhe “janë mbajtur atje pa ushqim të përshtatshëm dhe ujë të pastër për më shumë se tre javë”.
Polonia është një nga shumë vendet e BE -së që ka akuzuar Bjellorusinë për dërgimin e emigrantëve pranë kufirit si pjesë e një “lufte hibride” në përgjigje të sanksioneve.
BE vendosi sanksione ndaj Bjellorusisë pas rizgjedhjes së diskutueshme të Lukashenkos në vitin 2020, shkruan Euronews.
