Presidenti i Shteteve të Bashkuara të Amerikës, Donald Trump, ka deklaruar të premten gjatë një forumi të biznesit në Emiratet e Bashkuara Arabe, se kërkon takim me presidentin rus, Vladimir Putin, me qëllimin për të lehtësuar bisedimet e paqes Rusi-Ukrainë.
“Dua takim me Putinin sa më shpejtë që është e mundur”, ka thënë ai.
Sa u përket bisedimeve të paqes Rusi-Ukrainë, Trumpi ka thënë se tanimë është koha që SHBA-ja ta mbyllë këtë çështje.
“Është koha për ne ta bëjmë. Do ta realizojmë”, ka shtuar ai.
Trumpi pati sugjeruar një ditë më parë se progresi i shpejtë dhe i rëndësishëm në bisedimet e paqes është i paarritshëm, përderisa ai dhe Putini nuk takohen.
