Pronarët e klubeve të natës po kërkojnë nga qeveria e Kosovës që tu ndihmojë bizneseve të tyre pasi nga pandemia kanë pësuar humbje të konsiderueshme ekonomike.
Nga qeveria thonë se janë duke e vlerësuar situatën.
Janë bërë afro 1 vit e gjysmë që kur klubet e natës janë të mbyllura. Pronarët e diskotekave në kryeqytet që nga ajo kohë kanë kërkuar përkrahje financiare. Kërkojnë që një vendim të merret gjatë këtij sezoni veror.
“Situata epidemiologjike është duke u monitoruar vazhdimisht. Çdo vendim mbi masat e reja apo lehtësimin e mëtutjeshëm të tyre do të merret në përputhje me situatën epidemiologjike, rekomandimeve të ekspertëve dhe në konsultim me hisedarët e tjerë”, ka thënë Kryeziu.
