Një punëtor rreth 50-vjeç ka humbur jetën pasi ka rënë nga një lartësi teksa ishte duke punuar në një objekt në lagjen Veternik.
Lajmin për Gazetën Enigma e ka konfirmuar zëdhënësja e Policisë për rajonin e Prishtinës, Flora Ahmeti.
Policia, në koordinim me inspektorët e punës dhe prokurorinë, ka nisur hetimet për të zbardhur rrethanat e rastit.
“Rreth orës 11:00 është marrë informata se një person, rreth 50 vjeç, ka rënë nga një lartësi deri sa ka qenë duke punuar në një objekt në lagjen Veternik . Si pasojë e lëndimeve, personi, mashkull (shtetas i huaj), ka ndërruar jetë. Vdekja e tij është konstatuar nga ekipi i mjekëve emergjent në vendin e ngjarjes . Policia në koordinim me inspektorët e punës dhe prokurorinë kanë nisur hetimin e rrethanave që karakterizojnë rastin”, tha Ahmeti.
