Sot kreu i Qeverisë ka vazhduar takimet konsultative me partitë jo shumicë, raporton Gazeta Enigma.
Së fundmi Zyra e Kryeministrit përmes një komunikate njoftoi për takimin që pati Kurti me deputetin e zgjedhur, Veton Berisha, i cili është kryetar i Partisë Liberiane Egjiptiane.
“Kryeministri Kurti e uroi z. Berisha për mandatin e deputetit dhe rikthimin e tij në Kuvendin e Republikës. Diskutuan për procesin e konstituimit të kuvendit dhe formimit të qeverisë së re pas certifikimit të rezultateve nga zgjedhjet e 9 shkurtit. U theksua rëndësia e formimit të institucioneve brenda afateve ligjore dhe kushtetuese. Kryeministri veçoi politikat dhe vendimet e qeverisë në mbështetje të komuniteteve joshumicë, me theks te komuniteti egjiptian, të cilat kanë vënë në shprehje vëmendjen e shtuar dhe meritore që qeveria e drejtuar nga ai i ka dhënë përmirësimit të mirëqenies së qytetarëve nga radhët e komunitetit egjiptian përmes punësimit, edukimit dhe infrastrukturës”, thuhet në njoftimin e ZKM-së.
Kurse vet Berisha pas takimit ka bërë të qartë se “s’ka vija të kuqe me askënd.
