Adrien Rabiot nuk do të largohet nga Juventusi, së paku jo edhe për një vit tjetër.
Mesfushori francez ka pasur një vit të jashtëzaknshëm me fanellën e Juventusit, duke zgjuar edhe interesimin e skuadrave të mëdha evropiane.
Rabiot ka zhvilluar 48 ndeshje zyrtare, ku ka realizuar edhe 11 gola dhe ka asistuar në gjashtë të tjerë.
Manchester United i ka bërë ofertë zyrtare francezit i cili del futbollist i lirë më 1 korrik, por kjo ofertë e tij është refuzuar.
Corriere dello Sport ka raportuar se Rabiot ka vendosur që ta vazhdoj kontratën me Juventusin së paku edhe për një vit tjetër.
28-vjeçari do ta vazhdoj kontratën e tij vetëm edhe për një vit me Zonjën e Vjetër, derisa do të mbetet në verën e vitit 2024 si futbollist i lirë.
Përveç Man Utd, interesim për të ka shprehur edhe Bayern Munich, Barcelona dhe Paris Saint Germain.
