Kryetari i Prishtinës, Përparim Rama, ka folur mbi raportet e tij me LDK-në, duke i cilësuar si shumë të mira.
“Kam relacion fantastik me LDK-në, ne bashkë e kemi fituar kryeqytetin dhe bashkë do ta fitojmë edhe mandatin tjetër, jemi duke bërë punë fantastike në kryeqytet dhe nuk kemi arsye pse të mos vazhdojmë punët e mira së bashku, unë i kam ofruar edhe qeverisë të punojmë bashkë në zhvillim të kryeqytetit, nuk kemi arsye të ndahemi” tha Rama në Rubikon të Klan Kosovës.
I pyetur nëse do të anëtarësohet në LDK, i pari i Prishtinës tha se nuk ka ambicie politike, prandaj nuk e mendon anëtarësimin në këtë subjekt.
“Unë po them nuk kam ambicie politike, nuk kam ambicie që të jem kryetar partie, apo kryeministër, ambicia ime është të jem kryetar i kryeqytetit, ta transformoj Prishtinën, kam thënë për tetë vite e transformoj Prishtinën dhe këtë jemi duke e bërë dhe këtë do ta bëjë, dhe është mëkat që të mos bëhemi të gjithë bashkë me nivelin qeveritar dhe ta transferojmë këtë vend të mrekullueshëm për këta njerëz të mrekullueshëm. Unë jam arkitekt, ambiciet e mija nuk janë të lidhura me parti politike”, tha Rama.
